Приус центр нэрээрээ танил болсон манай компани нь анх үйл ажиллагаагаа 2008 оноос автомашины импорт худалдааны чиглэлээр эхэлсэн бөгөөд 2011 оны 8 сарын 10-ний өдөр Цукуба ХХК болж албан ёсны үйл ажиллагаат компани болсон түүхтэй.
Бид хосолсон хөдөлгүүрт автомашиныг Монголын зах зээлд нэвтрүүлж тэр дундаа приус автомашиныг зах зээлд таниулах ажлыг түүчээлэн хийгээд зогсохгүй 2014 онд ПРИУС ЦЕНТР нэгдсэн үйлчилгээний төвийг байгуулснаараа автомашины импорт худалдаа, сэлбэг хэрэгсэл болон засвар үйлчилгээг нэг дор цогцлоосон анхдагч компани болсон юм. Улмаар приус автомашинд тулгардаг бүхий л хүндрэлийг шийдэхийн тулд хэрэглэгчиддээ тохирсон сервис үйлчилгээг жил бүр нэмэгдүүлсээр ирлээ. Өдгөө бид 7 салбар 220 гаруй ажилчидтайгаар Улаанбаатар хотын 5 дүүрэгт үйл ажиллагаагаа эрхлэн явуулж байгаагаас гадна дуудлагын засвар үйлчилгээ нэвтрүүлж, үйлчлүүлэгчийн хүссэн газар, хэрэгтэй цагтаа автомашины засвар үйлчилгээ авах нөхцөлийг бүрдүүлэн ажиллаж байна.
Приус центр “Хайбрид автомашиндаа сэтгэл амар байх нөхцөлийг бий болгоно” гэсэн эрхэм зорилготойгоор хайбрид автомашин эзэмшигч нартаа илүү тав тухтай, чанартай, найдвартай, шуурхай үйлчилгээ үзүүлэхийг зорин ажилладаг. Бид хайбрид автомашины засвар үйлчилгээгээрээ дагнан ажилласан,мэргэжлийн өндөр ур чадвартай инженер, засварчдаар багаа бүрдүүлэн, бүх төрлийн компьютер оношилгоо, засвар үйлчилгээг чанарын өндөр түвшинд гүйцэтгэхийн тулд автын чиглэлээр мэргэжилтэн бэлддэг МСҮТ болон их , дээд сургуулиудтай хамтын ажиллагааны гэрээтэй ажиллаж, шилдэг төгсөгчдийг ажлын байрандаа дадлагажуулан сургаж ажиллуулдаг.

2018 оноос эхлэн нийгмийн хариуцлагын хүрээнд “Ухаалаг үйлдэл-Бидний хэв маяг” кампанит ажлыг жил бүр уламжлал болгон явуулж ирсэн бөгөөд нийгмийн хэрэгцээ шаардлагад нийцүүлэн ажилласаар ирлээ.
2019 оноос Цукуба ХХК цахим шилжилтийг дотооддоо нэвтрүүлсэн бөгөөд энэхүү шилжилт, үйлчлүүлэгчийн сэтгэл ханамж болон ажилтны ажлын бүтээмжид эерэгээр нөлөөлсөөр байна.
Бид мөн чанарын менежементийн тогтолцоо ISO9001:2015 стандартын шаардлагад нийцүүлэхийн төлөө ажиллаж эхэлсэн. Мэргэжлийн найрсаг хамт олон таны автомашиныы бүхий л хэрэгцээ шаардлагыг хангах засвар үйлчилгээг чанарын өндөр түвшинд хийж гүйцэтгэхийн төлөө тасралтгүй сайжруулалт хийж, хайбрид автомашины засвар үйлчилгээгээрээ салбартаа тэргүүлэгч чиг хандлагыг тодорхойлогч байна гэдэгтээ итгэл төгс байна.